مستونگ ( ویب ڈیسک ،مانیٹر نگ ڈیسک )
سانحہ مستونگ کیخلاف طلباء طالبات فورم کی جانب سے سانحہ مستونگ میں ھلاک ہونے والے طلباء طالبات اور دیگر افراد کی ھلاکت اور زخمی افراد کے اہلخانہ کے ساتھ اظہار ہمدردی کرنے اور دہشت گردی کی روک تھام ،شہریوں کو تحفظ فراہم کرنے حوالے سے آج بجے سلطان چوک مستونگ سے ریلی نکالی گئی اور مختلف سڑکوں سے ہوتا ہوا پریس کلب پہنچا جہاں مظاہرین بے احتجاج ریکارڈ کرائی ۔
مظاہرہ اور ریلی میں طلباء طالبات ،استاذ ہ ،پروفیسر اور سیاسی جماعتوں کے کارکنوں سمیت شہریوں نے شرکت کی ۔
بعد ازاں مظاہرین نے ڈپٹی کمشنر کے گھر کے سامنے کراچی شال شاہراہ پر دھرنا دے دیا ۔
اس موقع پر مظاہرے میں بلوچ طالب علموں کی نسل کشی بند کرو بند کرو،حق دو حق دو جینے کا حق دو،انصاف دو انصاف دو مستونگ کو انصاف دو،تحفظ دو تحفظ دو بلوچ طالب علموں کو تحفظ دو،مستونگ میں دھماکوں کا دھندہ بند کرو بند کرو ، معصوم بچوں کی قاتلوں کو گرفتار کرو ، سیکیورٹی کے نام پہ دھماکہ گردی بند کرو کے نعرے لگائے ۔
آپ کو علم ہے گزشتہ روز سانحہ مستونگ موٹرسائیکل میں نصب آئی ای ڈی بم دھماکہ میں 7 طالباء جن کی عمریں 5 سال سے 12 سال درمیان تھے ،بینک منیجر ،پولیس اہلکار ،اور سائیکل ساز ھلاک جبکہ 35 افراد جن میں طلباء طالبات شامل تھے زخمی ہوگئے تھے ۔
