تمپ میں نامعلوم مسلح افراد کی فائرنگ کے نتیجے میں ممتاز ولد ماسٹر مختار نامی نوجوان ہلاک ہوگئے۔
پولیس ذرائع کے مطابق واقعہ تمپ مین شاہراہ پر پیش آیا جہاں مسلح افراد نے ممتاز پر اندھا دھند فائرنگ کی، جس کے نتیجے میں وہ موقع پر ہی ہلاک ہوگئے۔ مقتول کا تعلق تمپ سے بتایا جاتا ہے۔
واقعے کے بعد حملہ آور فرار ہونے میں کامیاب ہوگئے، جبکہ پولیس نے جائے وقوعہ پر پہنچ کر شواہد اکٹھے کرتے ہوئے تحقیقات شروع کردی ہیں۔
لاش کو ضروری کارروائی کے لیے قریبی ہسپتال منتقل کردیا گیا ہے۔
