بلوچستان کے ضلع آواران کی تحصیل مشکے کے علاقے کلر میں پاکستانی فوج کی جانب سے دو گھروں کو مسمار کیے جانے کی اطلاعات موصول ہوئی ہیں۔
زرمبش نمائندہ کے مطابق 11 مئی کو مشکے کے گاؤں کلر میں ماسٹر نیاز بلوچ اور ماسٹر حضور بخش بلوچ کے گھروں کو بلڈوزر کے ذریعے گرایا گیا۔ ذرائع کے مطابق گھروں کے سامنے موجود درخت بھی کاٹ دیے گئے۔
اطلاعات کے مطابق اس سے قبل اپریل میں ماسٹر نیاز بلوچ کے دو بیٹوں، ظہیر نیاز اور معراج نیاز، کی لاشیں برآمد ہوئی تھیں۔ ذرائع کا کہنا ہے کہ دونوں کو پاکستانی فوج نے قتل کرنے کے بعد لاشیں پھینک دی گئی تھیں۔
