چاغی کے علاقے دالبندین میں پولیس کی گشتی ٹیم پر نامعلوم مسلح افراد کی فائرنگ سے دو پولیس اہلکار زخمی ہو گئے۔ واقعہ اس وقت پیش آیا جب پولیس نے ایک مشکوک گاڑی کو روکنے کا اشارہ کیا۔
پولیس حکام کے مطابق گشت پر مامور ٹیم معمول کے مطابق علاقے میں موجود تھی، جب ایک مشکوک گاڑی پر سوار افراد نے رکنے کے بجائے فائرنگ کی جس کے نتیجے میں دو اہلکار زخمی ہو گئے۔
جوابی فائرنگ کے دوران حملہ آور موقع سے فرار ہونے میں کامیاب ہو گئے۔ زخمی اہلکاروں کو فوری طبی امداد کے لیے قریبی اسپتال منتقل کر دیا گیا ہے۔
