ڈھاڈر (کچھی): بلوچستان کے علاقے ڈھاڈر میں ڈپٹی کمشنر (ڈی سی) ہاؤس کے قریب فائرنگ اور مسلح جھڑپ کی اطلاعات موصول ہوئی ہیں، جس کے بعد علاقے میں سیکیورٹی ہائی الرٹ کر دی گئی ہے۔
ذرائع کے مطابق ڈی سی ہاؤس کے اطراف اچانک شدید فائرنگ کی آوازیں سنی گئیں، جس سے علاقے میں خوف و ہراس پھیل گیا۔ اطلاعات کے مطابق فائرنگ کا تبادلہ کچھ دیر تک جاری رہا۔
واقعے کے بعد سیکیورٹی فورسز کی اضافی نفری فوری طور پر موقع پر طلب کر لی گئی، جس نے علاقے کو گھیرے میں لے کر سرچ آپریشن شروع کر دیا ہے۔
ابتدائی معلومات کے مطابق تاحال کسی جانی یا مالی نقصان کی تصدیق نہیں ہو سکی ہے، جبکہ حکام کی جانب سے واقعے کی باضابطہ تصدیق بھی سامنے نہیں آئی۔
