بلوچستان کے ضلع پنجگور اور تربت میں دو الگ الگ واقعات میں ایک نوجوان جاں بحق جبکہ ایک نامعلوم شخص کی لاش برآمد ہوئی ہے۔
پنجگور کے علاقے وشبود میں گزشتہ روز نامعلوم مسلح افراد کی فائرنگ سے زخمی ہونے والا نوجوان دوران علاج دم توڑ گیا۔ ذرائع کے مطابق جاں بحق ہونے والے کی شناخت حمل ولد آدم، سکنہ خدابادان سراوان کے نام سے ہوئی ہے۔ یاد رہے کہ اس واقعے میں تین افراد زخمی ہوئے تھے، جنہیں فوری طور پر اسپتال منتقل کیا گیا تھا۔
دوسری جانب تربت کے پسنی روڈ پر بانک چڑھائی کے قریب ایک نامعلوم شخص کی لاش برآمد ہوئی ہے۔ پولیس کے مطابق لاش کو تحویل میں لے کر اسپتال منتقل کرنے کے انتظامات کیے جا رہے ہیں تاکہ شناخت اور قانونی کارروائی مکمل کی جا سکے۔
پولیس حکام کا کہنا ہے کہ دونوں واقعات کی تحقیقات جاری ہیں اور واقعے کی محرقات تاحال معلوم نہیں ہوسکے ہیں۔
