بلوچستان کے ضلع خضدار تحصیل وڈھ سے اطلاعات ہیں کہ پاکستانی فورسز نے نزیر احمد ولد ماسٹر دین محمد نامی ایک شخص کو حراست میں لے کر نامعلوم جگہ منتقل کرکے جبری لاپتہ کر دیا ہے۔
اس طرح ضلع آواران کے تحصیل جھاو نودڑہ سے پاکستانی فورسز خفیہ اداروں نے چھاپہ مار کر سیٹھ محمد ہاشم ولد لال محمد اور کریم نامی دو افراد کو حراست میں لیکر جبری لاپتہ کردیا ہے۔
علاقائی ذرائع کے مطابق ہاشم کو گزشتہ سال جولائی میں فورسز نے حراست میں لیکر تشدد کا نشانہ بناکر لہولہان کرکے نیم مردہ حالت میں چھوڑ دیا تھا ،بعد ازاں انھیں لواحقین نے ہسپتال پہنچادیا تھا جہاں علاج کے بعد وہ مرنے سے بچ گئے تھے۔
لواحقین نے انسانی حقوق کے اداروں اور سوشل میڈیا پر آواز اٹھانے کی اپیل کی ہے ۔
علاقائی ذرائع کا یہ بھی کہنا ہے کہ پاکستانی فورسز گزشتہ تین دن سے جھاو کوٹو نامی گاوں کے مقام پر لوگوں کو چیک پوسٹ پر اتار کر ہراساں کرنے کا سلسلہ شروع کردیا ہے ۔
