نصیرآباد میں دو مختلف واقعات میں ایک شخص کو قتل خاتون زخمی ہوگئیں ۔تفصیلات کےمطابق نصیرآباد کے علاقے پولیس تھانہ منگولی کی حدود مانجھوٹی کے علاقے میں ملزم نے مبینہ طور پر سیاہ کاری کے الزام میں فائرنگ کرکے در محمد نامی شخص کو قتل جبکہ اپنی بیوی کو شدید زخمی کردیا ۔ ملزم فرار ہونے میں کامیاب ہو گیا ۔
واقعہ کی اطلاع ملنے پر پولیس موقع پر پہنچ کر نعش اور زخمی کو سول اسپتال منتقل کر دیا ۔
دوسرے واقع میں نصیرآباد کے علاقے پولیس تھانہ بابا کوٹ کی حدود میں ممتاز نامی ایک شخص کی نعش پولیس نے برآمد کرلی ہے ، مزید تفتیش پولیس کر رہی ہے۔
پنجگور گوران چیک پوسٹ پر لیویز کی فائرنگ سے ڈرائیور زخمی ، زخمی حالت میں گرفتار کرلیا گیا ۔لیویز کے مطابق مشتبہ زمباد گاڑی کو جب چیک پوسٹ والوں نے رکنے کا اشارہ کیا تو گاڑی ڈرائیور نے بھاگنے کی کوشش کی جس پر انھوں نے فائرنگ کرکے اسے زخمی کرکے بعد ازاں گرفتار کرلیا گیا ۔
دریں اثناء حب دریجی روڈ پر ڈھینگا کے مقام پر تیز رفتار ڈمپر نے موٹر سائیکل سوار کو کچل دیا بتایا جاتا ہے کہ حادثے کا شکار موٹر سائیکل سوار زخموں کی تاب نہ لاتے ہوئے موقع پر ہی دم توڑ گیا متوفی کی شناخت محمد حسین ولد لشکر گورانی مینگل کے نام سے ہوا ہے۔
