سندھودیش روولیوشنری آرمی کے ترجمان سوڈھو سندھی نے اپنے ایک بیان میں کہا کہ ایس آر اے گزشتہ رات سجاول بدين روڈ پر جاتی چوک کے قریب پنجاب آئل لے جانے والے آئل ٹینکرز پر ہونے والے حملے کی ذمہ داری قبول کرتی ہے۔ جس میں آئل ٹینکرز اور عملے کو شدید جانی اور مالی نقصان ہوا ہے۔
انھوں نے کہا کہ پاکستانی ریاست فوج اور طاقت کے زور پر سندھ کے اوپر قبضہ کر کے سندھی قوم کا معاشی استحصال اور نسل کشی کر رہی ہے۔
ان کا کہنا تھا کہ سندھ کے دریا، سمندر، زمينون، تيل، گئس، کوئلے اور دوسرے تمام وسائل اور ذرائع پر مستقل قبضہ برقرار رکھنے کے لیئے سندھی قوم کے جینے اور وجود سے جڑے سارے راستے بند کر رہی ہے۔
بیان میں کہا گیا کہ سندھ کا ہر ایک انچ انچ، وسائل اور ذرائع سندھی قوم کی ملکیت اور ہمارے آنے والے نسلوں کی امانت ہیں۔ جن کا تحفظ اور حفاظت ہم اپنی اہم اور بنیادی ذمہ داری سمجھتے ہیں۔
آخر میں انھوں نے کہا کہ سندھودیش روولیوشنری آرمی(ایس آر اے) اپنی مزاحمتی جنگ سندھ کی مکمل قومی آزادی تک جاری رکھنے کا عزم دہراتی ہے۔
