قلات نامعلوم مسلح افراد نے ایک شخص کو فائرنگ کرکے قتل کردیا ۔
تفصیلات کے مطابق ضلع قلات کے سب تحصیل نرمک میں نامعلوم مسلح افراد نے فائرنگ کرکے خیرجان لہڑی نامی شخص کو ہلاک کردیا اور فرار ہوگئے ۔
علاوہ ازیں سوراب میں مسافر کوچ اور کینٹینر میں تصادم، 10 افراد زخمی۔ تفصیلات کے مطابق سوراب میں مسافرکوچ اور کینٹینر کے تصادم سے 10افراد زخمی ہوگئے ،جن میں سے ایک کی حالت نازک بتائی جارہی ہے۔
پولیس کے مطابق حادثہ سوراب میں شال کراچی شاہراہ پر تارکی کے قریب پیش آیا۔
حادثے میں 10 افراد زخمی ہوئے جنہیں مقامی ہسپتال منتقل کردیا گیا ہے۔
دریں اثناء ضلع واشک بسیمہ زیک کے مقام پر تیل بردار زمیاد تیز رفتاری کے باعث حادثہ کا شکار ہوا جس میں ایک شخص زخمی ہوگیا ۔
مرک 1122 کو لیویز فورس کی کال موصول ہونے کے بعد میڈیکل ایمرجنسی ٹیم جائے وقوعہ پر پہنچ گئی ۔
میڈیکل ٹیم نے ریسکیو کرکے بسیمہ سینٹر منتقل کرکے بنیادی طبی امداد فراہم کردیا۔
