ضلع کیچ کے تحصیل دشت میں جنگلات کی بے دریغ کٹائی کا سلسلہ جاری۔
کھڈان، مکسر، کوہک اور بشولی و دیگر قرب جوار کے علاقوں میں تین سے زائد غیرقانونی لکڑی کاٹنے والے آری مشین لگائے گئے ہیں اور روزانہ کی بنیاد پر درختوں کی کٹائی کی جارہی ہے۔
اہل علاقہ نے محکمہ جنگلات کیچ، ضلعی انتظامیہ و دیگر متعلقہ اداروں سے فوری غیرقانونی آرا مشین مالکان کی جانب سے جنگلات کی بے دریغ کٹائی کا نوٹس لینے و ان کیخلاف سخت قانونی کارروائی کا مطالبہ کیا ہے۔
علاقہ مکینوں کا کہنا ہے کہ درختوں کی کمی کی وجہ سے کیچ میں گرمی کی شدت میں بے حد اضافہ ہورہا ہے دنیا بھر میں درخت لگانے کا سلسلہ جاری ہے بدقسمتی سے ہم درختوں کی کٹاہی میں مصروف ہیں .
