پاکستانی فورسز کے ہاتھوں جبری لاپتہ ظہیر بلوچ کی بازیابی کے لئے شال میں احتجاج جاری ۔
آج ہزاروں کی تعداد میں لوگوں نے احتجاجی ریلی میں شرکت کی اور دھرنا دے دیا۔
اس موقع پر بلوچ یکجہتی کمیٹی کے سربراہ ڈاکٹر ماہ رنگ بلوچ ریڈ زون کے احاطے ہاکی چوک میں مظاہرین سے خطاب کرتے ہوئے کہا کہ 40 مظاہرین تا حال گرفتار ہیں ، شال کی پولیس نے اسلام آباد پولیس جیسا رویہ رکھا ہوا ہے, مطالبات کے حصول تک دھرنا جاری رہے گا۔
انہوں نے عوام سے اپیل کی کہ وہ اسی طرح منظم ہوکر ایک ساتھ رہیں حکومت موبائل نیٹ ورک بند کرنے جارہی ہے ۔
ماہ رنگ بلوچ نے کہاکہ حکومت سنجیدہ ہوجائے وگرنہ یہ عوامی سیلاب آگے جاکر اپنا راستہ خود بنائے گی ، ہم پرامن لوگ ہیں جن فوجیوں نے خواتین کی شلواریں کھنچی ہیں یہ وہاں بھی جاسکتی ہیں ۔
انہوں کہاکہ ہمارا احتجاج ظہیر بلوچ کی بازیابی کے لئے ہے، ہم ایک انچ بھی پیچھے نہیں ہٹیں گے ۔
آپ کو علم ہے گذشتہ روز لاپتہ ظہیر احمد کے بازیابی کیلئے نکالی گئی ریلی کو دو مقامات پر پولیس کی جانب سے شدید تشدد کا نشانہ بنایا گیا۔ اس دوران مظاہرین پر فائرنگ سے 9 افراد زخمی ہوگئے جن میں سے ایک کی حالت تشویشناک بتائی گئی۔
پولیس نے مظاہرین پر لاٹھی چارج سمیت آنسو گیس شیلنگ کی جس کے بعض کئی مظاہرین زخمی ہوگئے جن میں خواتین و بچے بھی شامل ہیں جبکہ دوران تشدد خواتین کی چادریں کھینچی گئیں ، جبکہ سول سوسائٹی کیچ کے کنوینئر گلزار بلوچ کو پولیس نے بیہیمانہ تشدد کا نشانہ بناکر لہولہان کردیا تھا ۔
