بلوچستان کے ضلع قلات اور پنجگور میں پاکستانی فورسز پر حملے ۔ تفصیلات کے مطابق گذشتہ رات قلات کے علاقے جوہان میں قائم پاکستان فوج کے مرکزی کیمپ کی چوکیوں کو نامعلوم افراد نے مسلح حملے میں نشانہ بنایا۔ حملے کے وقت دھماکوں اور فائرنگ کی آواز سنی گئی۔
اس طرح ضلع پنجگور میں رخشان ندی کے مقام پر فورسز کے پوسٹ پر نامعلوم افراد نے گذشتہ رات ایک بجے کے قریب راکٹ فائر کیا جو زور دھماکے سے پھٹ گیا جبکہ دھماکے کے ساتھ ہی شدید فائرنگ کی آواز سنی گئی۔
حکام نے حملوں کے نتیجے میں نقصانات کے حوالے سے تاحال کوئی موقف پیش نہیں کیا ہے۔
آخری اطلاع کے مطابق دونوں حملوں کی ذمہداری کسی مسلح آزادی پسند تنظیم نے قبول نہیں کی ہے ۔
