بلوچستان کے ساحلی شہر گوادر میں زور دار دھماکوں کے بعد شدید فائرنگ کا سلسلہ جاری ،
تفصیلات کے مطابق بلوچستان کے ساحلی شہر گوادر میں ہائی سکیورٹی زون کے قریب متعدد دھماکے اور فائرنگ کا سلسلہ لگاتار جاری ہے ۔
گوادر کے مزکورہ علاقہ میں کئی حساس ریاستی ادارے اور چینی تنصیبات موجود ہیں۔
علاقائی ذرائع کا کہنا ہے کہ ابتک متعدد دھماکوں کی آوازیں سنیں گئیں جبکہ فائرنگ کا سلسلہ ہنوز جاری ہے ۔
دوسری جانب بلوچستان لبریشن آرمی بی ایل اے کے ترجمان جیئند بلوچ نے میڈیا کو جاری کردہ مختصر بیان جاری کرتے ہوئے کہا ہےکہ گوادر میرین ڈرائیو ، جی پی اے کمپلیکس میں پاکستانی خفیہ اداروں آئی ایس آئی اور ایم آئی کے ہیڈکوارٹرز پر بی ایل اے کی مجید بریگیڈ کا حملہ جاری ہے ۔
انھوں نے کہاہے کہ دشمن پر مجید بریگیڈ کے فدائین نے آج دوپہر ساڑھے تین بجے حملہ کیا جو تا حال جاری ہے۔
انہوں نے کہا کہ اس حملے کی ذمہ داری بلوچ لبریشن آرمی قبول کرتی ہے۔ مزید تفصیلات میڈیا میں جلد جاری کی جائیں گی ۔
