بلوچستان کے ضلع قلات میں کوئٹہ سے کراچی جانے والی مسافر کوچ حادثے کا شکار ہو گئی، جس کے نتیجے میں پانچ افراد ہلاک جبکہ 20 سے زائد مسافر زخمی ہو گئے۔
ذرائع کے مطابق حادثہ رات گئے قلات کے مقام پر پیش آیا۔ اطلاع ملنے پر امدادی ٹیمیں فوری طور پر موقع پر پہنچ گئیں اور لاشوں و زخمیوں کو قریبی ہسپتال منتقل کر دیا گیا۔
ہسپتال ذرائع کے مطابق زخمیوں کو طبی امداد فراہم کی جا رہی ہے، جبکہ بعض زخمیوں کی حالت تشویشناک بتائی جا رہی ہے۔
حادثے کی وجوہات کے حوالے سے مزید تحقیقات جاری ہیں۔
