بلوچستان کے ضلع کیچ کے مرکزی شہر تربت میں پاکستانی خفیہ اداروں کے اہلکاروں نے ایک نوجوان کو مبینہ طور پر تشدد کا نشانہ بنانے کے بعد زبردستی گاڑی میں ڈال کر اغوا کر لیا۔
ذرائع کے مطابق واقعہ گزشتہ روز تربت سول اسپتال کے قریب پیش آیا جہاں ناصر آباد کے رہائشی واحد ولد صوالی کو خفیہ اداروں کے اہلکاروں نے شدید تشدد کا نشانہ بنایا اور بعد ازاں زبردستی ایک گاڑی میں ڈال کر اپنے ساتھ لے گئے۔
خاندانی ذرائع کے مطابق واحد دبئی میں روزگار کے سلسلے میں مقیم تھے اور حال ہی میں چھٹیوں پر واپس آئے تھے۔ انہیں اغوا کے بعد نامعلوم مقام پر منتقل کر دیا گیا ہے اور تاحال ان کے حوالے سے کوئی معلومات نہیں مل سکا ہے۔
اہلِ خانہ نے واحد کی فوری بازیابی کا مطالبہ کیا۔
