بلوچستان کے ضلع خاران میں نامعلوم مسلح افراد نے ڈی جی آئی پولیس کمپلیکس پر جاری تعمیراتی کام کی سیکیورٹی پر مامور اہلکاروں پر حملہ کیا ہے۔
علاقائی ذرائع کے مطابق اس وقت سیکیورٹی پر دو پولیس اہلکار تعینات تھے جنہوں نے مسلح افراد کو دیکھتے ہی فائرنگ کی جس کے جواب میں حملہ آوروں نے بھی فائرنگ شروع کر دی۔ دوطرفہ فائرنگ کے تبادلے میں ایک پولیس اہلکار زخمی ہو گیا ہے جس کی شناخت عبدالقیوم ساکن نوشکی کے طور پر ہوئی ہے۔
حملے کے بعد مسلح افراد دونوں اہلکاروں کا اسلحہ اور دیگر سامان ساتھ لے کر فرار ہو گئے۔
تاحال حملے کی ذمہ داری کسی تنظیم نے قبول نہیں کی ہے۔
