بلوچستان کے ضلع قلات کے علاقے منگچر کے قریب سے دو افراد کی لاشیں برآمد ہوئی ہیں، جن میں سے ایک کی شناخت سیف اللہ ولد رحیم داد کے نام سے ہوئی ہے۔ اہل خانہ کے مطابق، سیف اللہ 11 جون 2025 سے جبری گمشدگی کا شکار تھے۔
دوسری لاش کی شناخت تاحال نہیں ہو سکی، جبکہ پولیس نے لاش کو تحویل میں لے کر اسپتال منتقل کر دیا ہے اور مزید تحقیقات جاری ہیں۔
دوسری جانب، بلوچستان کے ساحلی شہر گوادر کے علاقے نیا آباد میں بھی جھاڑیوں سے ایک لاش برآمد ہوئی ہے، جس کی شناخت فیصل حاصل کے نام سے ہوئی ہے۔
فیصل چند روز قبل لاپتہ ہوئے تھے۔ پولیس اور اسپتال ذرائع کے مطابق لاش کئی دن پرانی ہے اور اسے جھاڑیوں میں چھپا کر رکھا گیا تھا۔
فیصل کے اہلِ خانہ کا دعویٰ ہے کہ ان کا موبائل فون تاحال آن ہے اور اسے نامعلوم افراد استعمال کر رہے ہیں۔
