بلوچ آزادی پسند تنظیم بلوچ لبریشن آرمی بی ایل اے شہید مجید بریگیڈ کے شہید فدائی درویش کے چھوٹے بھائی گُل حمد مری وفات پا گئے۔
قریبی ذرائع کے مطابق وہ طویل عرصے سے بیمار تھے۔
گُل حمد شہید درویش کے چھوٹے بھائی ہیں ۔ شہید درویش بی ایل اے کے مجید بریگیڈ ونگ کے فدائی تھے جنہوں نے دسمبر 2011 میں شال ارباب کرم خان روڈ پر واقع ڈیتھ سکواڈ کے سربراہ شفیق مینگل کے ٹِھکانے کو فدائی حملے میں نشانہ بنایا تھا۔ اس حملے میں شفیق مینگل بال بال بچ گئے تھے جبکہ ڈیتھ سکواڈ کے 30 سے زائد کارندے ہلاک ہوگئے تھے۔
ذرائع کا کہنا ہے کہ شہید درویش کا چھوٹا بھائی گُل حمد مری بھی ایک جہد کار تھے۔ گل محمد سمیت ان کی فیملی کے متعدد ارکان حتی کہ خواتین بھی بلوچستان کی جہد آزادی کے مطالبہ پر قید و بند سمیت جلاوطنی اور مختلف تکالیف سہے ہیں۔
