شال ( مانیٹرنگ ڈیسک ) ضلع گوادر میں پاکستانی فورسز کے اہلکاروں کو مسلح افراد نے ایک حملے میں نشانہ بنایا۔
علاقائی ذرائع کے مطابق حملہ آج صبح دس بجے کے قریب گوادر کے علاقے دڑامب میں اکاڑہ کے مقام پر فورسز اہلکاروں پر اس وقت کیاگیا جب وہ قافلے کو تحفظ دینے کیلے راستے میں موجود خندوقوں میں بیٹھنے پیدل جارہے تھے ۔
علاوہ ازیں ضلع خضدار میں مسلح افراد نے لیویز رسالدار حفیظ کرد ولد غلام رسول کو فائرنگ کرکے ھلاک کردیا فرار ہوگئے ۔
اسطرح خاران میں مسلح افراد نے لیویز ملازم نصیر کو گواش کے مقام پر فائرنگ کرکے شدید زخمی کردیا ،جسے مقامی ہسپتال پہنچا دیا گیا ۔
ادھر ضلع کیچ کے علاقہ ہوت آباد تمپ میں صبح دو ٹرالر اور ایک پاکستانی فورسز کے کیمپ کیلے پانی لے جانے والے ٹینکر کو نشانہ بنایا گیا ،انکے ٹائر پھاڑدیئے ۔
دریں اثناء ضلع واشک کے علاقہ رخشان مین نامی علاقہ میں مسلح افراد نے گیس کے ٹینکروں پر حملہ کرکے انکے ٹائر پھاڑدیئےاور شیشے توڑ کر چلے گئے ۔
آخری اطلاع تک مزکورہ تینوں حملوں کا ذمہداریاں کسی نے قبول نہیں کی ہے ۔
