ڈیرہ مرادجمالی ( مانیٹرنگ ڈیسک ) پولیس تھانہ منجھوشوری کی حدود منجھو قبائل کے دو گروپوں میں تصادم ،فائرنگ میں وڈیرہ محمد عالم اور ممتاز منجھو نامی دوافراد ھلاک 3 زخمی ہوگئے ۔
نعشیں اور زخمیوں کو ڈی ایچ کیو ہسپتال ڈیرہ مراد جمالی منتقل کر دیاگیا ۔
پولیس کا کہنا ہے کہ واقعہ زمین کے تنازعہ پر پیش آیا ہے ، پولیس مزید تفتیش کر رہی ہے ۔
علاوہ ازیں ضلع بولان کچھی میں شاہوانی اور ابڑو قبائل میں رات گئے فائرنگ کا سلسلہ جاری رہا ابھی تک نقصانات کا جائزہ لیا جارہا ہے ۔
ذرائع کا کہنا ہے کہ آج شال ، مستونگ ، قلات اور دیگر علاقوں سے شاہوانی اور لہڑی قبیلہ کے مزید قافلے کچھی کے لئے روانہ ہوچکے ہیں۔
عوامی حلقوں نے دونوں قبائل کو جنگ سے روکنے کی اپیل ہے ۔
