خضدار ( مانیٹرنگ ڈیسک ) خضدار سے کراچی جانیوالی مسافر ویگن اوتھل زیروپوائنٹ کے قریب ٹائر پھٹ جانے کی وجہ سے الٹ گئی، جس کے نتیجے میں کلینر موقع پر ھلاک ہوگیا جبکہ متعدد افراد زخمی ہوگئے ۔
علاوہ ازیں پنجگور وشبود بائی پاس پر ٹریفک حادثہ میں ایک خاتون ھلاک جبکہ ایک بچہ سمیت دو افراد زخمی ہوگئے۔
پنجگور کے علاقے وشبود بائی پاس پر تیز رفتار پک اپ ذامیاد گاڑی کی ٹکر سے خاتون مسماۃ خ ب نامی ھلاک جبکہ شاہ در اور اویس نامی بچے سمیت دو افراد زخمی ہوگئے۔
دریں اثناء کوہلو میں ٹرانسپورٹرز نے چیک پوسٹوں پر بلاجواز تنگ کرنے کے خلاف ختم نبوت چوک پر مظاہرہ کیا،
مظاہرین کا کہنا تھا کہ کوہلو ڈیرہ غازی خان مرکزی شاہراہ پر قائم ایف سی چیک پوسٹوں پر ڈرائیوروں کے ساتھ غیر اخلاقی رویہ اپنا جاتا ہے جو قابل مذمت ہے ۔
انھوں نے مطالبہ کیاکہ ایف سی کے نامناسب رویہ بند کیاجائے ۔
