بلوچستان کے ضلع آواران کے علاقے جھاؤ میں مسلح افراد نے پاکستانی فورسز کی ایک چوکی پر حملہ کیا، جس کے دوران فائرنگ اور دھماکوں کی آوازیں سنی گئیں۔
ذرائع کے مطابق، حملہ آج شام تقریباً پانچ بجے زیلگ کے مقام پر کیا گیا، جہاں مسلح افراد نے راکٹ اور دیگر بھاری ہتھیاروں سے فورسز کی چوکی کو نشانہ بنایا۔ حملے کے دوران کافی دیر تک شدید فائرنگ اور دھماکوں کا سلسلہ جاری رہا، جس کے نتیجے میں فورسز کے جانی نقصان کی اطلاعات موصول ہوئی ہیں۔
تاہم، حملے کی ذمہ داری تاحال کسی تنظیم نے قبول نہیں کی ہے۔
