بلوچستان کے ضلع بارکھان میں 22 فروری کو شروع کیا گیا فوجی آپریشن تاحال جاری ہے۔
زرمبش کو علاقائی ذرائع سے اطلاع ملی ہے کہ بارکھان کے مختلف مقامات پر زمینی کارروائیوں سے متعدد خاندان متاثر ہوئے ہیں جن میں مرڈی واہ، بغاؤ تنگ کاریڑ، گلو شم، انار اور برگ شامل ہیں۔
عینی شاہدین کے مطابق فورسز نے متعدد گھروں کو آگ لگا دی گئی ہے اور پہاڑوں میں رہنے والے چرواہوں کی پناہ گاہیں بھی جل کر خاکستر ہو گئی ہیں۔ آج بھی مختلف مقامات پر ہیلی کاپٹر کا گشت جاری ہے۔
مزید اطلاعات کے مطابق پاکستانی فورسز اور مسلح افراد کے درمیان جھڑپ بھی ہوئی جھڑپ میں پاکستانی فورسز کے صوبیدار گل ولی سمیت کئی اہلکار زخمی و ہلاک ہوئے ہیں۔ علاقے میں فورسز کی بھاری نفری سمیت ایمبولنسز کی آمد و رفت بھی دیکھنے میں آئی ہے۔
تاہم اس حوالے سے مزید تفصیلات آنا باقی ہیں
