قلات ( مانیٹرنگ ڈیسک ) بلوچستان کے شہر قلات سے پاکستانی فورسز نے ایک گھر پر چھاپہ مار کر حب کے رہائشی نوجوان یاسر حمید ولد عبدالحمید سکنہ حب بھوانی کو تشدد کا نشانہ بناکر حراست میں لیکر جبری لاپتہ کردیا ہے۔
علاقائی ذرائع کا کہناہے کہ 11 اکتوبر کی رات دو بجکر تیس منٹ کے قریب پاکستانی فورسز کی بڑی تعداد نے قلات شہر میں علاقے کا گھیراؤں کرکے ایک گھر کی چادر و چاردیواری پامال کرتے ہوئے گھر میں گھس کر تھوڑ پوڑ کی اور وہاں موجود خواتین سمیت تمام افراد کو زد و کوب کیا جبکہ یاسر حمید کو شدید تشدد کا نشانہ بناتے ہوئے اپنے ہمراہ لے گئے جس کے بعد ان کے حوالے سے کوئی اطلاعات موصول نہیں ہوسکے ہیں۔
بتایا جارہاہے کہ یاسر حمید، جنید حمید کے بڑے بھائی ہیں ،جنید کو گذشتہ دنوں 8 اکتوبر کی رات حب شہر سے مسلح افراد نے اغوا کرکے لاپتہ کردیا ہے ۔
یاسر حمید بارے یہ بھی اطلاعات ہیں کہ اس سے قبل انھیں مئی 2022 کو جبری لاپتہ کیا گیا تھا اور دس روز بعد ان کو رہا کیا گیا ۔
ادھر حب چوکی میں آج پریس کانفرنس کرتے ہوئے یاسر حمید کی ہمشیرہ نے جنید کی بازیابی کا مطالبہ کیاتھا ۔
انہوں نے کہا تھاکہ اگر بھائی کو بازیاب نہیں کیا گیا تو مجبوراً احتجاج کا راستہ اختیار کرنے پر مجبور ہونگے۔
