کیچ کے مرکزی شہر تربت میں مسلح افراد نے فورسز چوکی کو حملے میں نشانہ بنایا ۔ تفصیلات کے مطابق
تربت سنگانی سر میں سائن بورڈ کے قریب فورسز چوکی پر نامعلوم مسلح افراد نے راکٹ اور خودکار بھاری ہتھیاروں سے حملہ کردیا ۔
علاقائی ذرائع کے مطابق حملہ شدید تھا، اس وقت پانچ دھماکوں کے علاوہ کافی دیر تک فائرنگ کی آوازیں سنی گئی جس سے لوگوں میں خوف ہراس پیدا ہوا ۔
حملے میں فورسز کو بھاری جانی و مالی نقصان پہنچا ہے، حملے کے بعد فوراً بعد ایمبولینس جائے وقوعہ پر پہنچ گئے۔جہاں ھلاک اور زخمیوں کو ہسپتال منتقل کر دیا گیا۔
دوسری جانب کیچ تربت آپسر فوجی کیمپ کی جانب سے عام آبادی پر 6 مارٹر گولے داغے گئے ۔بتایا جارہاہے کہ ایک مارٹر درویش نامی شخص کے گھر پر گرا تاہم کوئی جانی نقصان نہیں پہنچا ہے۔
