بلوچ یکجہتی کمیٹی پنجگور زون نے جاری ایک بیان میں کہا ہے کہ ریاست کی طرف سے بلوچستان کے مختلف علاقوں میں ڈیتھ اسکواڈ کی جانب سے بلوچ نوجوانوں کو ٹارگٹ کیا جا رہا ہے گزشتہ روز پنجگور نیو بازار میں پیر جان ولد صوفی اسلم سکنہ پروم جائیں کا رہائشی تھا ‘ ریاستی ڈیتھ اسکواڈ کے کارندوں نے فائرنگ کر کے شہید کردیا ‘ جو پیشے سے ایک زمباد ڈرائیور تھا۔
انہوں نے کہا ہے کہ ہر روز بلوچستان کے مختلف اضلاع میں بلوچ نوجوانوں کو ٹارگٹ کرنا ریاستی ڈیتھ اسکواڈ کے ذریعے بلوچ نوجوانوں کے دلوں میں ریاست کی طرف سے ایسے ماحول پیدا کرنا جو سیاسی پروگراموں سے دور رہیں جو ان کا بنیادی حق ہے ۔
بیاں میں کہا ہے کہ اسی طرح ریاستی ادارے بلوچ نوجوانوان کو جبری گمشدگی کا شکار بنا رہے ہیں گزشتہ چار دنوں سے پنجگور سی پیک روڈ پر صابر نور اور عابد نور کے اہلخانہ سراپا احتجاج ہیں ‘
ترجمان نے کہا ہے کہ پنجگور انتظامیہ کی طرف سے ایسے رویوں کی مذمت کرتے ہیں اور پیر جاں کے قاتلوں کی گرفتاری کا مطالبہ کر تے ہیں۔
