بلوچستان کے مرکزی شہر شال میں باپ نے غیرت کے نام پر اپنی بیٹی اور اس کے مبینہ آشنا کوقتل کردیا۔
واقعہ شال کے علاقے نواں کلی میں پیش آیا، دونوں لاشوں کو پوسٹ مارٹم کے لیے مقامی ہسپتال منتقل کردیا گیا۔
ملزم موقع سے فرار ہوگیا جبکہ پولیس کی بھاری نفری نےملزم کی تلاش کیلئے سرچ آپریشن کا آغاز کردیا ہے۔
دوسری جانب شال میں ایک کچے مکان کی چھت گرنے سے ایک ہی گھر کے 4 افراد ھلاک ہوگئے۔ریسکیو ذرائع کے مطابق واقع شال کے علاقےمشرقی بائی پاس کے قریب پیش آیا ۔
علاوہ ازیں نصیرآباد کے نوتال پولیس تھانہ کی حدود میں شاہراہ پر پولیس کو نامعلوم شخص کی لاش ملی ہے جسکو سول ہسپتال ڈیرہ مراد جمالی منتقل کردیاگیا۔
پولیس کے مطابق کسی گاڑی نے ٹکر ماری ہے نعش سول ہسپتال ڈیرہ مرادجمالی کے مردے خانہ رکھ دی گئی ہے جس کی شناخت نہیں ہو سکی ہے مزید تفتیش پولیس کر رہی ہے۔
