شال شعبان سے چار افراد کی مسخ شدہ نعشیں برآمد ۔ زرائع کا کہنا ہے کہ جمعہ کو ہرنائی کے علاقے شعبان سے 4افراد کی مسخ شدہ نعشیں ملی ہیں جن کو شال کے سول ہسپتال منتقل کر دیا گیا ہے ۔جہاں نعشوں کی شناخت نہیں ہو سکی ہے۔
ڈاکٹر عائشہ کے مطابق شعبان کے علاقے سے ملنےوالی نعشیں نا قابل شناخت ہیں ، شناخت کیلئے ڈی این اے سیمپل لے لئے گئے ہیں، مزید کارروائی جاری ہے۔
آپ کو علم ہے مزکورہ علاقہ سے آج صبح ایک مسخ نعش ملی تھی ۔
نوشکی آر سی ڈی شاہراہ پر مسافر بس اور کار میں تصادم دو افراد ھلاک جبکہ متعدد افراد زخمی ہو گئے ، جمعہ کے روز کیشنگی کے مقام پر آر سی ڈی شاہراہ پر مسافر بس اور کار میں تصادم کے نتیجے میں نوجوان اشفاق احمد ولد رحیم بخش سمیت 2 افراد ھلاک ہوگئے جن کا تعلق کلی مولابخش کیشنگی سے بتایا جاتا ہے نوشکی لیویز واقعہ کی مذید تفتیش کر رہی ہے ۔
دریں اثناء لورالائی ڈیرہ غازی خان روڈشرن حمزہ زئی کے مقام پر ٹرک اور ویگن کے درمیان خوفناک تصادم ہوا ہوا ۔
جس کے نتیجہ میں عارف ولد بلوچ خان ،نعمان ولد بما ،بلوچ خان ولد حاجی اخترمحمد،اکاش ولد شگن،براہو ولد ہیرا،عبدالقیوم ولد مزار خان،حاجی میرزا خان،تعویزخان ولد تاج محمد،احمد خان ولد موسیٰ خان،عبدالرحمن ولد سلیمان شان،اخترنامہ زوجہ محمد رضا،چنا ولد ہیرا،زینو ولد عبد الرحمٰن ،عزت اللہ ولد عبدالرحمان ،مورینہ ولد محمد رضا،بچہ ولد محمد رضابچہ ولد محمد اسلم نامی شخص سمیت 17 افراد زخمی ہوگئے جن میں بچے بھی شامل ہیں ۔
زخمی ہونے والوں کو فوری طور لورالائی ٹیچنگ ہسپتال پہنچا دیا گیا ۔ مذید کاروائی لورالائی لیویز کر رہی ہے
