خاران : بلوچستان کے ضلع خاران میں پاکستانی فورسز کے ہاتھوں دو نوجوانوں کی جبری گمشدگی کے خلاف ریڈزون خاران میں لواحقین کا دھرنا دوسرے دن بھی جاری ہے۔
لواحقین کے مطابق پاکستانی فورسز نے گزشتہ روز خاران بازار سے دو نوجوان لکھمیر ولد حاجی صالح اور خدا داد ولد موسی کو جبری حراست میں لے کر نامعلوم مقام منتقل کردیا ہے۔
دھرنے کے باعث خاران سیکٹریٹ چوک اور ریڈ زون کو مکمل بند کیاگیا ہے ،جبکہ انتظامیہ کی جانب سے گزشتہ روز لواحقین کے ساتھ مذاکرات ہوئے تاہم مذاکرات کامیاب نہ ہوسکے اور دھرنا ہے جاری ہے۔
لواحقین کے مطابق ہمارے پیارے جب تک بازیاب نہیں ہونگے ہم دھرنا ختم نہیں کرینگے۔
