بلوچستان چاغی کے علاقے پدگ کے قریب گاڑی الٹنے سے خاتون اور 3 بچوں سمیت چار افراد ھلاک ، 7 زخمی ہوگئے۔
تفصیلات کےمطابق چاغی میں ایک فیلڈر کار نمبر RGE-224 تقریباً 3 کلومیٹر دور پدگ مشترکہ چیک پوسٹ کے قریب الٹ گئی۔ لیویز فورس فوری طور پر موقع پر پہنچی اور زخمیوں کو پدگ بی ایچ یو منتقل کیا، زخمیوں کو ڈی ایچ کیو نوشکی کے لیے روانہ کر دیا گیاہے۔
علاوہ ازیں حب کے علاقے ساکران روڈ پر پانچ نمبر نالی کے قریب فائرنگ میں لڑکی ھلاک۔ لڑکی کی عمر 20 سے 25 سال کے درمیان بتائی جا رہی ہے، تاحال اس کی شناخت نہیں ہوسکی ہے۔
فائرنگ کی اطلاع ملتے ہی ایدھی ایمبولینس فوری طور پر موقع پر پہنچی اور نعش حب سول ہسپتال منتقل کیا گیا۔
مقامی پولیس تھانہ ساکران نے واقعے کی تحقیقات شروع کر دی ہے۔
