بلوچستان نصیرآباد کے علاقے پولیس تھانہ منجھوشوری کی حدود میں ایک قبیلے کے دو گروپوں میں مسلح تصادم کے نتیجے میں 3 افراد ھلاک ہوگئے ۔
تفصیلات کے مطابق نصیراباد کے علاقے پولیس منجھو شوری تھانہ کی حدود میں رڈ قبائل کے دو گروپوں میں تصادم ہوا جس کے نتیجے میں تین افراد ھلاک ہوگئے نصیراباد کے علاقے زہری پل کے قریب در محمد پر مخالفین نے فائرنگ کردی جان بچانے کی خاطر در محمد رڈ نے پٹ فیڈر کے اندر چھلانگ لگا دی جس سے وہ ڈوب کر جابحق ہوگیا ۔
واقع کی اطلاع ملنے پر مقتول در محمد کے ورثا نے مخالفین کے گوٹھ پر حملہ کرکےفائرنگ شروع کردی جس سے دونوں گروپوں سے دو افراد عبدالحلیم اور نزیر احمد ھلاک ہوگئے ۔
واقع کی اطلاع ملتے ہی منجھو شوری پولیس جائے وقوعہ پر پہنچ گئی نعشوں کو سول ہسپتال ڈیرہ مراد جمالی منتقل کردیا گیا۔
پولیس کے مطابق واقع کی وجہ سیاہ کاری بتائی جارہی ہے پولیس نے واقع کا مقدمہ درج کرلیا ہے تاہم کوئی گرفتاری عمل میں نہیں آئی ہے۔
علاوہ ازیں پنجگور کوچ کی ٹکر سے ایک نوجوان ھلاک ایک شدید زخمی۔ پولیس کے مطابق پنجگور گرمکان فٹبال چوک پر مال بردار کوچ نے موٹر سائیکل سوار دو افراد کو کچل دیا ، جس کے نتیجے میں ایک نوجوان موقع پر ھلاک اور ایک شدید زخمی ہوگیا ۔
نعش اور زخمی کو ٹیچنگ ہسپتال منتقل کردیا گیا ھلاک نوجوان کی شناخت سنجر ولد عبد الرشید ساکن گرمکان پنجگور اور زخمی ک عبدالوارث سے ہوا ہے ۔
پولیس نے بس کو قبضے میں لیکر کلینر کو گرفتار کرکے مقدمہ درج کردیا ہے ڈرائیور موقع سے فرار ہونے میں کامیاب ہوگیا ہے۔
