کیچ کے علاقے تمپ کونشکلات میں پاکستانی فورسز اور خفیہ اداروں کے اہلکاروں نے انقلابی گلوکار استاد منہاج مختار کے گھر پر چھاپہ مار کر خواتین اور بچوں کو تشدد کا نشانہ بنایا۔
اطلاعات کے مطابق پاکستانی فورسز اور خفیہ اداروں کے اہلکاروں نے رات ساڑھے ایک بجے انقلابی گلوکار استاد منہاج کے گھر پر چھاپہ مارا اور گھر کے تمام سامان تھوڑ دیے اور استاد منہاج مختار کے والد سمیت گھر والوں کو بندوق کے زور پر شدید تشدد کا نشانہ بنایا، فورسز نے گھر والوں کے موبائل فون اور بکریاں بھی اپنے ساتھ لے گئے۔
یاد رہے کہ استاد منہاج مختار کے گھر پر پاکستانی فورسز اور خفیہ ایجنسیوں کے اہلکاروں کی جانب سے متعدد بار چھاپہ مارا گیا اور گھروں کو جلایا گیا تھا اور قیمتی سامان فورسز ساتھ لے گئے تھے۔
اسی طرح ایک ماہ قبل ڈیتھ اسکواڈ کے اہلکاروں نے استاد منہاج مختار کے گھر پر فائرنگ بھی کی تھی۔
