لسبیلہ اور گردونواح میں شدید طوفانی بارش، لسبیلہ شہر اور گرد و نواح میں شدید موسلادھار طوفانی بارش نے تباہی مچا دی شہر میں متعدد سائن بورڈر دکانوں کے سائبان بارش اور طوفانی ہواں کی نذر ہو گئے ۔ جبکہ گھروں اور دکانوں کی چھتوں پر رکھیں شمسی توانائی کی پلیٹیں بھی اڑ گئیں ۔
عوامی پریس کلب (رجسٹرڈ)لسبیلہ کے صحافیوں کے مطابق کے نواحی علاقوں میں بھی طوفانی بارش سے بڑے پیمانے پر نقصانات ہوئے ہیں، زرعی زمینوں پر نصب شمسی توانائی کی پلیٹیں اور سولر پینلز مکمل طور پر تباہ ہو گئے ہیں ،جبکہ درخت گرنے کے سبب کئی علاقوں میں مویشیوں کے مرنے اطلاعات بھی ہیں ۔ تاہم کہیں سے کسی بھی جانی نقصان کی اطلاع موصول نہیں ہواہے، طوفانی بارش نے بجلی کا نظام درھم برہم کردیا ہے۔
