بلوچ سٹوڈنٹس آرگنائزیشن کے مرکزی ترجمان نے اپنے جاری کردہ بیان میں کہا ہے کہ خضدار سے بہاولدین ذکریا یونیورسٹی کے طالب علم انیس بلوچ کو مرکزی شاہراہ پہ واقع ہوٹل سے رات آٹھ بجے مسلح افراد اٹھا کر لے گئے۔ ان کا اغوا ریاست کے بلوچ دشمن پالیسیز کا نتیجہ ہے۔
انیس بلوچ بی این پی کے مرکزی ایگزیکٹو کمیٹی کے رکن چیئرمین واحد بلوچ کے بھانجے جب کہ بی ایس او کے مرکزی کمیٹی کے رکن بیبرگ واحد بلوچ کے کزن ہیں۔
انھوں نے کہاہے کہ چیئرمین واحد بلوچ اور ان کے خاندان اپنے سیاسی سرگرمیوں کے باعث شروع دن سے سرکار اور سرکاری سرپرستی میں پلنے والے مقامی ڈیتھ سکواڈز کے دھمکیوں کے زد میں رہے ہیں۔ جن کا ذکر وہ بارہا سوشل میڈیا و دیگر پلیٹ فارمز پر کر چکے ہیں۔
