بلوچ یکجہتی کمیٹی کے رہنما ڈاکٹر ماہ رنگ بلوچ نے جاری بیان میں کہاہے کہ ماشکیل باڈر پر ایرانی فورسز نے بلوچ ڈرائیوروں پر اندھادھند فائرنگ کرکے اصغر ساسولی ولد محمد اکبر ساسولی، شکراللہ ولد قادر بخش محمد حسنی، عبدالواسع ولد ملا سلیمان ریکی کو شہید، جبکہ چھ زخمی اور دو کو گرفتار کرلیا ہے اور ایک نعش بھی اپنے ساتھ لئے گئے ہیں جو ناقابل بیان اور قابل مذمت عمل ہے ۔
انھوں نے کہاہے کہ باڈر کے اس طرف بلوچ مزدور ڈرائیوروں کو پاکستانی فوج کی جانب سے مسلسل تشدد کا سامنا ہے اور باڈر کی دوسری طرف ایرانی فورسز کی بربریت اور جبر سے ہمارے لوگوں کی زندگیاں اجیران بن گئی ہے۔
انھوں نے قوم کو مخاطب کرتے ہوئے اپیل کی ہے کہ بلوچ قوم یہ وقت آپس میں چپقلش کا نہیں قومی اتحاد و یکجہتی کا ہے، اس وقت ہم ایک خطرناک نسل کشی کا سامنا کررہے ہیں، ماشکیل سے لیکر تربت تک آج ہمارا ہر گھر ماتم کدہ ہے، ہر گھر میں صرف لاشیں پڑی ہیں۔
ڈاکٹر ماہ رنگ بلوچ نے کہاہے کہ اگر آج ہم اپنے صفوں میں اتحاد و یکجہتی پیدا کرنے میں ناکام رہے تو ہماری آنے والی نسلیں ہمیں معاف نہیں کریں گے اور ہمارے دشمن ہماری نسل کشی میں مزید تیزی لائے گے۔ خدارا ان معصوم نعشوں کی خاطر صرف اس بلوچ نسل کشی کے خلاف اپنے درمیان اتحاد و یکجہتی پیدا کریں۔
