شال گزشتہ روز پشین میں فائرنگ سے زخمی ہونے والے ایس ایچ او روزی خان زخموں کی تاب نہ لاتے ہوئے ھلاک ہو گئے، یاد رہے کہ پشین میں فائرنگ سے زخمی ہونے والے ایس ایچ او اور ڈی ایس پی عین الدین کو شال ریفر کیا گیا تھا ، جہاں زخموں کی تاب نہ لاتے ہوئے ایس ایچ او آج جان کی بازی ہار گئے ۔
دکی بم حملے میں زخمی سب انسپکٹر ہلاک ہوگئے۔ تفصیلات کے مطابق گذشتہ دنوں دکی میں ہونے والے دھماکے میں سی ٹی ڈی میں تعینات سب انسپکٹر رحیم حمزئی زخموں کی تاب نہ لاتے ہوئے ہلاک ہوگیا۔
بم دھماکے میں سی ٹی ڈی اہلکاروں سمیت متعدد افراد زخمی ہوئے تھے ۔
دریں اثناء بلوچستان کے علاقے ڈیرہ بگٹی میں دو گروپوں کے مابین زمینی تنازعے پر فائرنگ سے دو افراد ہلاک اور چار زخمی ہوگئے۔
فائرنگ کا واقعہ کٹھن کے مقام پر پیش آیا ہے۔ فائرنگ کا واقعہ ہیجوانی بگٹی برادری اور حبیبانی بگٹی کے درمیان پیش آیا ہے۔
پولیس کے مطابق ہیجوانی برادری کے 2 افراد ہلاک جبکہ فائرنگ سے چار افراد زخمی ہوئے ہیں۔
