کیچ کے علاقے شاپک کے رہائشی تربت یونیورسٹی کے طالب علم نعیم ولد رحمت سکنہ شاپک کی عدم بازیابی کے خلاف تیسری بار ان کے لواحقین اور اہل علاقہ نے شاپک کے مقام پر ایم ایٹ شاہراہ بلاک کردیا ۔
احتجاج کے باعث شاہراہ ٹریفک کے لئے مکمل بند ہے اور گاڑیوں کی لمبی قطاریں لگ گئی ہیں۔
واضح رہے کہ عید سے شروع ہونے والے احتجاج میں کئی روز کیلئے سڑک کو بند رکھا گیا جس کے بعد ڈی سی کیچ نے 5روز کا وقت یا الٹی میٹم مانگا تھا۔
آپ کو علم ہے نعیم رحمت کو 2 سال قبل تربت شھر سے گرفتاری کے بعد لاپتہ کردیا گیا تھا۔ لواحقین نے انکی بازیابی کے لئے احتجاج اور دیگر ذرائع استعمال کئے ہیں ۔
دوسری جانب کیچ کے مرکزی شہر تربت ڈی چوک کے مقام پر رواں مہینے 18 تاریخ کو پاکستانی فورسز کے ہاتھوں جوسک سے لاپتہ ہونے والے عزیر اور شاہ نواز کے لواحقین نے شاہراہ بلاک کرکے ان کی بازیابی کا مطالبہ کیا ہے۔
