تربت نامعلوم مسلح افراد کی فائرنگ سے ایک شخص قتل۔ تفصیلات کےمطابق بلیدہ کے علاقہ بٹ کورے پشت میں نامعلوم مسلح افراد کی فائرنگ سے دوست محمد نامی شخص ھلاک ہوگیا ، تاہم واقعہ کے محرکات معلوم نہیں ہوسکے ہیں ۔
علاوہ ازیں شال کےعلاقے خروٹ آباد میں اسپنی روڈ کے قریب سے نالے سے ایک تشدد زدہ بوری بند نامعلوم شخص کی نعش ملی ہے نعش کو ہسپتال منتقل کردیا گیا جہاں ضروری کارروائی کے بعد شناخت کے لئے مردہ خانہ میں رکھ دی گئی مزید کارروائی پولیس کررہی ہے۔
دریں اثناء لسبیلہ میں مکران کوسٹل ہائی وے پر 2 بسوں کے درمیان ٹکر کے نتیجے میں 12 افراد زخمی ہوگئے۔ زخمیوں کو ڈسٹرکٹ ہیڈ کوارٹر ہسپتال منتقل کردیا گیا ۔
