شال جامعہ بلوچستان مالی بحران، جوائنٹ ایکشن کمیٹی جامعہ بلوچستان کے زیر اہتمام جامعہ بلوچستان و ریسرچ سینٹرز کے اساتذہ کرام، افسران اور ملازمین کی تین مہینوں کی تنخواہوں اور پنشنز کی عدم فراہمی اور ریسرچ سینٹرز کے اساتذہ کرام، افسران اور ملازمین کو سالانہ بجٹ میں اعلان شدہ 35 فیصد اور ہاؤس ریکوزیشن کی عدم ادائیگی اور جامعہ بلوچستان کی مالی بحران کی مستقل حل کےلئے جامعہ بلوچستان کے مین گیٹ پر انتہائی سخت سردی اور بارش میں احتجاجی کیمپ لگایا گیا جس میں درجنوں اساتذہ کرام، افسران اور ملازمین نے شرکت کی۔
مظاہرین نے اپنے بنیادی حق ماہانہ تنخواہوں اور پنشن کے لئے نعرے بازی کی۔
مظاہرین کا کہنا ہے کہ انتہائی افسوسناک بات ہے کہ جامعہ بلوچستان کے اساتذہ کرام، افیسران اور ملازمین اس ہوشربا مہنگائی میں اور مارچ میں تعلیمی اداروں کی کھلنے اور ماہ مقدس کی شروعات میں تنخواہوں اور پنشنز سے محروم ہیں جو انتہائی ظالمانہ اقدام ہے۔
