امریکی صدر ڈونلڈ ٹرمپ نے وینزویلا کے خلاف فوجی کارروائی کا دعویٰ کیا ہے۔ وینزویلا حکومت کے مطابق امریکی حملے دارالحکومت کاراکاس کے علاوہ میرانڈا، آراگوا اور لاگویرا ریاستوں میں کیے گئے۔
سرکاری بیان میں کہا گیا ہے کہ مختلف علاقوں میں دھماکوں کی آوازیں سنی گئیں اور جنگی طیاروں کی نچلی پروازیں دیکھی گئیں۔ وینزویلا حکومت نے ان حملوں کو امریکا کی فوجی جارحیت قرار دیتے ہوئے الزام عائد کیا ہے کہ کارروائیوں کا مقصد ملک کے تیل اور معدنی وسائل پر قبضہ کرنا ہے۔
وینزویلا نے واضح کیا ہے کہ وہ امریکی دباؤ یا فوجی طاقت کے ذریعے اپنے وسائل پر قبضے کو مسترد کرتا ہے۔
دوسری جانب امریکی حکام کی جانب سے تاحال مکمل فوجی آپریشن یا وینزویلا کی قیادت کی گرفتاری سے متعلق دعوؤں کی آزاد ذرائع سے تصدیق نہیں ہو سکی ہے۔
