بلوچستان کے ضلع ڈیرہ بگٹی کے علاقے سوئی میں پاکستانی فورسز نے دو نوجوانوں کو جبری طور پر لاپتہ کر دیا ہے۔
ذرائع کے مطابق آج صبح تقریباً دس بجے، ایف سی اور خفیہ اداروں کے اہلکاروں نے سوئی کی طوطا کالونی سے رحمان ولد مٹھل بگٹی کو اُن کے گھر سے حراست میں لینے کے بعد جبری طور پر لاپتہ کردیا۔۔
ذرائع کے مطابق، اسی روز ایف سی اور سی ٹی ڈی کے اہلکاروں نے اسی محلے سے مبارک علی ولد عبد الکریم بگٹی کو بھی حراست میں لینے کے بعد نامعلوم مقام پر منتقل کر دیا۔
اہلِ خانہ نے ان جبری گمشدگیوں کی تصدیق کرتے ہوئے انسانی حقوق کی تنظیموں سے مطالبہ کیا ہے کہ وہ فوری طور پر ان نوجوانوں کی بازیابی کے لیے اپنا کردار ادا کریں۔
