بلوچستان کے اضلاع آواران اور بولان میں پاکستانی فورسز نے دو نوجوانوں کو حراست میں لینے کے بعد جبری طور پر لاپتہ کر دیا۔
تفصیلات کے مطابق، آواران کے علاقے نونڈرا بریت سے تعلق رکھنے والے نوجوان راشد بلوچ ولد محمد کو آواران کیمپ میں طلب کیا گیا اور وہیں سے حراست میں لے کر نامعلوم مقام پر منتقل کر دیا۔
ذرائع کا کہنا ہے کہ راشد بلوچ اس سے قبل بھی 2023 میں جبری گمشدگی کا شکار ہو چکا ہے، جہاں اسے 15 سے 20 دنوں تک حراست میں رکھ کر مبینہ طور پر تشدد کا نشانہ بنانے کے بعد رہا کردیا۔
دوسری جانب، بولان کے علاقے پیر اسماعیل سے گزشتہ رات نجیب سمالانی ولد نورالحق سمالانی کو پاکستانی فورسز نے حراست میں لے کر لاپتہ کر دیا، جس کے بارے میں اہلِ خانہ کو کسی قسم کی اطلاع فراہم نہیں کی جا رہی۔
