ضلع کیچ کے علاقے ہوشاپ میں نواز ولد باہوٹ نامی نوجوان کو نامعلوم مسلح افراد نے فائرنگ کر کے قتل کر دیا۔
ذرائع کے مطابق واقعہ مغرب کے وقت ہوشاپ میں پیش آیا۔ جہاں نامعلوم مسلح موٹر سائیکل سوار حملہ آوروں نے نوجوان پر فائرنگ کی، واردات کے بعد حملہ آور فرار ہونے میں کامیاب ہوگئے۔
واضح رہے کہ آج ضلع کیچ میں یہ دوسرا واقعہ ہے اس سے قبل تمپ کے علاقے ملک آباد میں بھی مسلح افراد نے فائرنگ کر کے ایک شخص کو ہلاک کر دیا تھا۔
