بلوچستان کے ضلع آواران کے علاقے کولواہ، رودکان میں پاکستانی فورسز کی جانب سے زیرحراست نوجوان نواب ولد نوربخش شدید تشدد کے باعث جاں بحق ہوگئے۔
مقامی ذرائع کے مطابق، فورسز نے گذشتہ روز متعدد افراد کو حراست میں لے کر جرک کیمپ منتقل کیا، جہاں دیگر افراد کو رہا کردیا گیا تاہم نواب کو حراست میں رکھا گیا۔
علاقہ مکینوں کا کہنا ہے کہ نواب کی لاش رات گئے علاقے میں پھینکی گئی، جس پر شدید تشدد کے نشانات موجود تھے۔ مقامی افراد کے مطابق، لاش کی حالت ایسی تھی جیسے مقتول کو بجلی کے جھٹکے دے کر جھلسایا گیا ہو۔
واضح رہے کہ آواران کے مختلف علاقوں میں پاکستانی فورسز نے زیرحراست افراد کو قتل کیا ہے۔
