بلوچستان کے اضلاع کیچ اور قلات میں مسلح افراد نے پاکستانی فورسز کو مختلف حملوں کا نشانہ بنایا ہے۔
ذرائع کے مطابق، گزشتہ رات نامعلوم مسلح افراد نے مند کے علاقے سورو میں قائم پاکستانی فورسز کے کیمپ پر حملہ کیا، جس کے دوران دو زور دار دھماکوں کے ساتھ فائرنگ کی آوازیں بھی سنائی گئیں۔
آج صبح ساڑھے گیارہ بجے کے قریب تمپ کے علاقے کلاہو میں قائم پاکستانی فورسز کی چوکی پر بھی مسلح افراد نے حملہ کیا۔
ایک اور حملے میں، آج دوپہر بارہ بجے کے قریب، مسلح افراد نے تمپ کے علاقے آسیاباد میں قائم پاکستانی فورسز کی چوکی کو نشانہ بنایا۔ جبکہ اس حملے کے دوران فائرنگ اور دھماکوں کی آوازیں سنی گئیں۔
قلات کے علاقے شیخڑی میں بھی گزشتہ شب مسلح افراد نے پاکستانی فورسز کی چیک پوسٹ پر حملہ۔ علاقائی ذرائع کے مطابق،حملے کے دوران کافی دیر تک فائرنگ و دھماکوں کی آواز سنائی گئی ہے۔
حملوں کے نتیجے میں فورسز کو جانی و مالی نقصان اٹھانا پڑا ہے، تاہم ان حملوں کی ذمہ داری تاحال کسی تنظیم نے قبول نہیں کی ہے۔
