بلوچستان کے ضلع پنجگور کے علاقے بونستان میں گزشتہ شب ایک زور دار دھماکے کی آواز سنی گئی۔ پولیس کے مطابق دھماکہ رات تقریباً تین بجے روڈ کے کنارے ہوا۔ ابتدائی اطلاعات کے مطابق جائے وقوعہ سے ایک شخص کی لاش ملی ہے جس کی شناخت وسیم کشانی کے نام سے ہوئی ہے۔
لاش کو ضابطے کی کارروائی کے لیے اسپتال منتقل کر دیا گیا ہے۔ پولیس حکام کا کہنا ہے کہ تاحال یہ واضح نہیں ہو سکا کہ دھماکہ کس نوعیت کا تھا اور اس کی اصل وجہ کیا تھی۔
دوسری جانب تمپ کے علاقے نظر آباد میں نامعلوم افراد کی فائرنگ سے محمد ایوب سکنہ نظر آباد تمپ موقع پر ہلاک ہو گیا جبکہ طیّب ولد نور محمد اور عبدالقدوس ولد فیض محمد، دونوں سکنہ نظر آباد، زخمی ہو گئے۔
فائرنگ کے محرکات تاحال معلوم نہیں ہو سکے۔
