بلوچستان کے علاقوں تربت اور نوشکی میں ایک شخص کی لاش برآمد ہوئی ہے جبکہ دو افراد کو پاکستانی فورسز نے حراست میں لینے کے بعد جبری لاپتہ کر دیا۔
اطلاعات کے مطابق تربت اور پسنی روڈ پر واقع بانک چهڑائی کے مقام سے ایک شخص کی لاش برآمد ہوئی جسے شناخت کے لیے ٹیچنگ اسپتال تربت منتقل کر دیا گیا ہے۔ اسپتال ذرائع کے مطابق، لاش پر تشدد کے نشانات موجود ہیں جس سے ظاہر ہوتا ہے کہ مقتول کو تشدد کا نشانہ بنانے کے بعد قتل کیا گیا ہے۔
تاہم قتل کے وجوہات تاحال معلوم نہیں ہوسکے۔
دوسری جانب اطلاعات کے مطابق 16 مئی 2025 کو پاکستانی فورسز نے ضلع نوشکی کے علاقے قادر آباد سے دو افراد، منظور احمد اور ظہور احمد ولد عزیز اللہ مینگل کو حراست میں لینے کے بعد لاپتہ کر دیا۔
