بلوچستان کے ضلع کیچ کے علاقے زامران میں نامعلوم مسلح افراد نے پاکستانی فورسز کو حملے کا نشانہ بنایا ہے۔
ذرائع کے مطابق حملہ زامران کے علاقے کنڈ کاپران کے مقام پر ہوا جہاں پہلے سے گھات لگائے مسلح افراد نے پاکستانی فورسز کے قافلے میں شامل گاڑیوں کو نشانہ بنایا۔ حملے کے نتیجے میں فورسز کے متعدد اہلکاروں کی ہلاکت کی اطلاعات موصول ہوئی ہیں۔
سرکاری سطح پر کوئی موقف تاحال سامنے نہیں آیا ہے۔ جبکہ حملے کے بعد علاقے میں ہیلی کاپٹروں نے مسلسل گشت کی۔
تاحال کسی تنظیم نے حملے کی ذمہ داری قبول نہیں کی، تاہم اس علاقے میں بلوچ آزادی پسند تنظیمیں سرگرم ہیں جو ماضی میں بھی پاکستانی فورسز پر حملے کرتی رہی ہیں۔
