بلوچستان کے ضلع قلات کے علاقے شیخڑی، گندہ گین سے دو افراد کی لاشیں برآمد ہوئی ہیں۔ لیویز ذرائع کے مطابق دونوں افراد کو فائرنگ کر کے قتل کیا گیا ہے۔
لیویز نے مقتولین کی شناخت سمیع اللہ ولد محمد حنیف اور بسم اللہ ولد نامعلوم کے نام سے کی ہے، جو مستونگ کے علاقے پڑنگ آباد کے رہائشی بتائے جا رہے ہیں۔
ذرائع کے مطابق دونوں لاشوں کو آر ایچ سی منگچر منتقل کر دیا گیا ہے، جہاں ضروری قانونی کارروائی جاری ہے۔
تاحال قتل کی وجوہات سامنے نہیں آ سکیں اور واقعے کی تحقیقات کا آغاز کر دیا گیا ہے۔
